二次污染水，差過大陸水。

Jan 14, 2016
6 min read

一直以為，香港水質比大陸好，但唔使被道歉，很可能已經知錯了。一些舊樓、村屋、唐樓、管理保養不佳的屋苑、用鐵喉的工廠食肆……受二次污染的食水，會比普遍認知水質較差的大陸水更為惡劣。

講到用水意識，好多大陸人較強，因為飽經污染訓練，而且水質如何心中有數，知道香港人少用濾水器，會好驚訝：「有看過東江水是怎樣嗎？」你以為大家都飲同一江水？他們會笑：「我們是喝西江水的。」當然飲西江水都要視乎住哪個地方，但長期訓練，防守意識強，淨水知識都會較豐富，會用濾水器的比例感覺上較多，香港人安全用水防守意識低，唔奇，水質好過你，使鬼用？

以前都咁諗，最近分別有兩個客，改變睇法。一個香港人，叫阿欣，住沙田私人屋苑，另一個阿黃，中港兩邊走。阿欣住兩千呎屋，又有屋苑管理，好似想當然水質唔會差，但其實受二次污染水困擾多時。二次污染就是屋苑和大廈供水系統的污染，通常是因為欠缺保養、喉管老化、沒有定期清洗水箱造成；一些村屋因為設計問題，如果入屋前沒有水箱先沉澱，常見有較多沙石沙泥做成黃泥水，也算是二次污染一種。很多舊工廠大廈有返咁上下歷史，如果仍用鐵喉管，內部生鏽造成鏽水更大問題，現在很多食肆開在工廠大廈樓上，由於本身用途不同，水管、水箱管理保養通常不如住宅，用這些水來大量煮食沖調飲品，其實應該更為驚剔。

講返阿欣，其問題究竟有幾嚴重？她說是新買的白衫洗兩次就變黃，煮出來的米飯也帶黃，沖涼洗面洗頭唔使講，清潔完皮膚更痕癢，頭髮變乾旱甚至有脫髮困擾，洗衣機積垢，因為用唔乾淨水清潔地方，家居角落都見有水垢留下的黑印。她用過好多辦法，問題未解決。佢所謂辦法，係買個飲水機。不要笑，好多香港人一樣，因為大部分公司只賣飲水機，因為簡單，一個產品目錄，你揀一個，他賣一個，自己安裝，貨銀兩訖，交易完結，佢歡喜時，留下大堆問題畀你，點解？水龍頭接頭幾十種，防水膠圈有大小，咁橋部機就係同你唔夾，你就企響度；畀你好彩裝到，如果有漏水，貴客自理。這種 open system 飲水機一買一賣生意，是很好做的，入貨、賣貨，坐響度就收錢，做乜咁辛苦？唔識裝？畀埋說明書你，關我鬼事！不過做淨化呢樣工作，係要解決問題，唔係帶來更多問題，如果部機應付唔到高污染，用一陣就淤塞出水慢，會帶來更多問題，而且沖涼、洗面、煮飯、洗衫，點搞？入屋水有問題，就全屋水都有問題。

我們先上門了解阿欣情況，她用開的所謂飲水機，六支芯，大大部，好似好強，但出水好似有腎臟問題病人，未至於滴濕鞋，但裝滿一煲水可以睇完半集爛劇，連外籍工人都頂唔順。拆開部機，六支芯，幾支芯一樣，唔知邊度出產的活性碳，即係點？隔完味再隔味再隔味再隔味再隔味？重複做一樣工作，有乜意義？一個大話講多幾次就會變成真事？

拆開水龍頭沙隔，一睇，裡面污染物會以為係 XO 醬，做過 300 幾個客，呢個 case 前所未見嚴重，問題源頭應該來自屋苑供水系統，要徹底，最好梗係由屋苑管理著手，但生活在香港，你有樓唔代表你真係有層樓，只係有個可以食飯睡覺睇電視的空間，大門之後係屬於大棚，你一個人話唔到事，同管理署拎鎖匙入水錶房睇，成間房咁大，雖然足夠設計一部應付全屋幾千呎的淨化系統，但水錶前位置係屬於水務署，唔搞得，水錶後雖然係業主自己，但水錶房又唔係你，要響裡面開工，過五關斬六將，隨時糾纏一年半載，咁點？搬？全香港東江水，搬去邊？搬香港好唔好？

屋要繼續住，問題始終要面對，唯有先在室內每個出水口落工夫，廚房用水因為要入口，最理想係鋅盤底裝設預濾及後置系統，一部煮食洗菜用，後置 UF 再多幾重加強淨化，新置鵝頸飲水喉方便即開即飲；洗衣機前、洗面盆下、花灑等亦加裝不同濾水器，這些我們稱為 close system 淨水系統，一般只賣飲水機的不會願意做，點解？因為麻煩又賺得少，要因應唔同喉管使用不同配件，安裝方法太多變數，又要趴地又要擒高，又要試滲漏，遇著喉管、水閘老化會發生更多不可預知問題，一條銅喉成本就幾百，一條一呎長軟不鏽鋼喉就 $30-$40 ，洗衣機用兩米長，又幾百，收你幾錢？叫你搵樓下五金舖，都要睇錢先做，而且 close system 由唔識換芯的客戶自己搞，隨時成屋水浸，售後服務手尾長，所以較少人提供服務。

經過幾小時的安裝，目前阿欣基本用水問題已解決，由於洗衣機用水量通常較大，濾材消耗若太嚴重，日後可以再加設多一瓶不同密度的預置濾瓶減低負擔，避免濾芯更換頻密。當然最好方案還是在全屋入水位前設置一部 Point of Entry 預淨化系統，這種方法成本更低也更方便，也要比更換整個供水系統方便划算。

今次阿欣個 case ，最印象深刻除碟 XO 醬，就係新系統開水唔夠 30 秒，前置濾芯就變黃甚至有黑點，水質其差，如果比較大陸水質，會爭幾遠？呢個時候諗起中港兩邊走阿黃，熟晒大陸的佢，早知家居要有濾水器看門口，大陸人慣用濾水器，所以上面選擇都唔少，不過大陸濾水器遇著大陸食水，嗯，不解釋。

就響幾日之前，上阿黃東莞屋企完成廚房系統安裝，一部前置加一部後置，達成七重淨化，阿黃安心用水，事隔五日，係時候跟進情況，就問阿黃影張相望望，以為應該會差過阿欣情況，估都估唔到，大陸水質比香港仲好，只係微微偏黃，但情況已比阿欣的情況理想，可想而知，二次污染造成的食水問題，可以令水質比大陸的供水系統更差。

這就是可惡的二次水污染問題。想家居清潔舒服，很多人會買冷氣機、暖氣機、吸塵機……但日日要用的水，卻通常會忽視，甚至有人會說，飲咁耐又唔見死？未死同唔死係兩回事，好多煙民都一樣話自己無事，到有肺癌、心臟病、中風，然後就會問：點解要食煙？用有污染的食水，是慢性吸毒，日積月累做成問題，不過到時你可能並不知道是否因為食水引起的問題。

農曆新年，傳統都會洗邋遢，如污染水洗邋遢，很難洗乾淨，如果你有污染水問題，或者只是想簡單換部實證 99% 以上過濾鉛水污染的飲水機，也歡迎查詢。淨水，就是剩財，我們農曆新年期間特惠價，最低至半價，祝大家身體健康。

聯絡：3490 1502

電郵：info@brimedht.com

網址：Brimedht.com

facebook：https://www.facebook.com/BriMedHT

一拆開水龍頭沙隔，唔講，真係以為係XO醬放錯地方，污染情況極嚴峻。